انهاردة بقدم لكم موضوع هايل جداً عن ريسيفر يسمى صندوق الأحلام او الدريم بوكس
و دة يعتبر من أحدث و افضل الريسيفرات فى العالم على الأطلاق
الجهاز عبارة عن جهاز ريسيفر يفتح جميع القنوات المشفرة مجاناً عبر نظام يسمى الشيرنج
يعتبر هذا الجهاز محظور جداً فى البيع و الشراء بسبب فتح جميع القنوات المشفرة مجاناً و بدون أى صعوبة
يعنى انت مثلاً عاوز تشوف كل القنوات المشفرة من غير ما تدفع فلوس كتيير
عاوز مثلاً تشوف كل قنوات الشوتايم المشفرة و الأى ار تى و الجزيرة الرياضية و كل قنوات الاوربت كلها
لكن صعب انك تعمل كدة بشكل رسمى انك تفتح كل القنوات المشفرة فى وقت واحد و على ريسيفير واحد و بسعر مش قد كدة و غير كدة انك كمان عاوز تفتح كل المشفر على ريسيفير عادى و بكامة واحدة
الحقيقة مفيش حد هايفتح القنوات المشفرة كلها بشكل رسمى يعنى بتروح تشترك فى كل الباقات الموجودة و غير انك هاتدفع حوالى 7000 جنيه عشان تفتح كل القنوات المشفرة ديه كلها لكن حرام اوى الواحد يدفع دم قلبه عشان يشوف قنوات فضائية مشفرة
لكن الدريم بوكس هايوفرلك ال 7000 جنيه و هايوفرلك مجهود كبير اوى و هايريحك اوى فى كل طلباتك زى التنقل من قناة لقناة فى اقل من ثانية و غير انك هاتفتح المشفر كله فى وقت واحد و فى ريسيفر واحد يسمى الدريم بوكس
الدريم بوكس الوحيد اللى هايعمل كل دة لأنه قادر على فتح جميع المشفر فى كل قمر صناعى و غير ان فى موديلات منه بقرص صلب او ما يسمى الهارد ديسك يا حلاولو يعنى هاتفتح المشفر كله و غير كدة انك هاتسجل من اى قناة هاتعجبك
والغريب أن هذه الأجهزة كانت تبدأ أسعارها من 450 جنيها حتى 600 جنيها، ولكن قبل انطلاق بطولة كأس العالم زادت الأسعار لتتراوح ما بين 650 جنيها و 1000 جنيها، وتستطيع هذه الأجهزة بواسطة وصلة انترنت فك شفرات القنوات، وتسمي هذه العملية الشيرنج
الشيرنج هى كلمة انجليزية تعنى المشاركة فبعض الناس الاذكياء جالهم فكرة عبقرية لمحاربة استغلال القنوات المباعة او المشفرة للمشاهدة لارتفاع اسعارها و استحالة كسر شفرتها بالرغم من التخفيضات التى انزلت على اسعارها فقاموا بشراء كروت شرعية او رسمية مدفوعة القيمة مقدماً و بث شفرتها على الانترنت او عبر الانترنت المتصل بأنحاء الدنيا و لكن الشفرة تذهب مشماة باسم المشترك الذى عقد اتفاق عبر النت مع المضيف ( صاحب السيرفر ) مثل عضو ( اسم العضو او صاحب السيرفر ) و مسئول الشيرنج
الرسيفر امامك والطبق على سطح المنزل ولكن الكارت ربما يكون فى المانيا او امريكا اواى بلد اخر
وكل المطلوب هو رسيفر من الأجهزة الداعمة للشيرينج اللى هوة الدريم بوكس او غيره انواع اخرى تدعم الامكانية ديه وخط دى اس ال (DSL) وتمتع بشو تايم كامل
و قنواتها كامله و قنوات الهوتبيرد و المشفر كله مثل الشوتايم و الاوربت شو تايم و الأى ار تى و الجزيرة الرياضية و باقة كأس العالم و غيره من المشفر
والخلاصه ان الشيرينج هو أشتراك مجموعة من الأفراد مع بعضهم عن طريق شبكة كبيرة تربطهم
مع بعض وهى (الأنترنت) وتتكون من سيرفر ومجموعة أفراد مشتركين ومستفيدين من هذا السيرفر
فا يعتبر رسيسفر الدريم بوكس دة من أهم ريسيفر فى العالم كله و يعتبر الأول و الأفضل فى عالم الشيرنج يعنى بصراحة دى معجزة ان واحد يسمع فى ريسيفر يفتح كل القنوات المشفرة بعد عمر طويل و القنوات العادية بقت مملة اوى و تفضل تقطع الفيلم و تجيب اعلانات يعنى القناة معمولة للأعلانات و بدونها تتقفل القناة و شكراً على كدة
لكن بعد سماع الخبر دة انسى حكاية الملل ديه خالص الدريم بوكس هو علاج الملل دة لأن القنوات المشفرة مش بتقطع الفيلم اثناء عرضه الرسمى و الفيلم طبعاً له وقت رسمى انه يبتدى امتا و ينتهى فى الساعة الكدة يعنى بالمواعيد المنضبطة بصراحة جهاز مصيبة اوى و يا رب اكون افدتكم بمعلومة جميلة زى ديه
تحياتى