رسالة الي الadmin شخصيا

زائر

انا موافق يا admin وانا اشكرك علي كرمك

اخي فى الله اسلام إن شاء الله اليوم سيتم إعطائك صلاحيات الاشراف ونرجوا منك المزيد من الموضوعات والاطروحات الجميلة واعلم انك ما تكتبه هو لوجه الله ولا تحزن ان لم تجد شكرا او رداً من احد فلو يا اخي تريد الشكر من الاعضاء فقط فهو لن يغنيك شئ وانتظر الجزاء من الله وحده وبعده الشكر من الاعضاء ونتمنى منك المزيد من التقدم والرقي إن شاء الله

زائر

انا لا اريد الشكر من احد فقط اريد تشجيعي وليس شكري الشكر هو من الله عز وجل

موفق باذن الله

موفق بإذن الله

ساعدونى يا جماعه فى واحد زعلان منى هى معانا هنا فى المنتدى زعلان منى ياريت تقولوله حاجه انى مفيش اخ بيزعل من اخته صح

على فكره هو واحد مهم جدا فى المنتدى بس انا مش هقول اسمه خليه هو يعرف نفسه علشان انا بقالى ساعه شغاله اصالح فيه وهو بردو زعلان

لا يوجد بالمنتدى احد يغضب من اخته مهما حدث اختى فى الله ربما ما اغضبه هو اختلاف واختلافات وسوف تزول وتعود المياه الى مجاريها كما يقولون دوما واعدك بانه سيكون بالغد افضل حالا من اليوم ان شاء الله

هههههههههههههههههههههههههه
اه دا على اساس اننا بنصالح المتخاصمين
هههههههههههههههههههههههههههه
وماله ياست الكل
نعمل المستحيل علشان نرضيكى
وبالنيابه عن كل اعضاء المنتدى
ومن مكانى هذا
طبعا دا باعتبار انى نائبه المدير وكلمتى مسموعه
ههههههههههههههههههههههههه
لازم الاخ اللى زعلان تصالح ايمى

لا والله بتكلم جد ياريت ما يبقاش فيه بينا زعل هو العمر هنعيشه كام مره
اخى فالله والذى لم اعرف اسمه
احلفك بالله وهو اغلى محبوب لدينا
ان ترضى عنها وان تسامحها وطالما هى طلبت المسامحه من قبل فلما لم تعفوا عنها
ان الله يحب العفو
فما بيننا الا كل صداقه واخوه ومحبه فالله لا تستدعى لوجود هذا الزعل الذى يعطى اكثر من حقه
فانا فى انتظار رسالتك اختى فالله
لكى تبلغينى انه تم مصالحتك
لا تنسى
لانى سوف اقوم بمراسلتك ان لم تبلغينى فى هذا الموضوع
وانا ارى ان قلبه كبير باذن الله ولا يرضى لنفسه ان يتركك هكذا

والاااااااااااااااااا يشرح لنا ماحدث وسوف نقوم بالمشوره فيما بينكم
اتمنى ارى ردك او رده
لكى اعرف انه تم الصلح باذن الله
دمتم فى رعايه الله ..........

ميرسى يا جوهره انا بشكرك اللى كنت زعلانه منه لما قرى الرساله بتاعتك قلبه حن عليا انا بشكرك خالص

لا شكر على واجب ياأختى
ولكنى لا اسعى الا للترضيه فيما بيننا

ولو انى معتقده ومن غير زعل
انه هروب من الموضوع
بانك قولتى لى انه تم التصالح

ولكن الله يعلم بمدى نيتى للخير
واتمنى لو كان فعلا تم الصلح على خير

الله عليكى يا جوهره صالحتيهم على بعض ههههههههههههههههههه
اتمنى ان لا يكون احد زعلان من احد لاننا اخوه فى الله
اللهم ديم علينا المحبه

اللهم ااااااااامين
اخى فالله انا لا اسعى الا جاهده لله
فى سبيل الترضيه والصلح فيما بيننا
ونامل من الله عزوجل ان لا يكون بيننا الا كل خير وموده وحبا فالله
ان شاء الله

هنيالل يا ايمي الف الف مبروك ليكي متهيألي انه رجلك بعد الرساله الجميله دي
انا كمان حبيبي الي هنا زعلان مني بس شكله مش راجع عشان حبيبته الاولي عايزه ترجعله شكلي كده هرتكب جنايه عشان انا طابعي حامي اوي
انا بحبه اوي اوي و لو مرجعليش انا هنتحر خليكو شاهدين

انتي ايه رايك يا جوهره و الله فضلته علي كل الناس وياما اتحديت بيه العالم حلفت اثبت لكل الناس اني هلاقي لو ضحيت وقولت ربي هيعوضني بيه وعدني ضحيت بعمري وثقت فيك كسرني وفضل حبه الاول عن حبي

لو انت المشكلة دى عويصه يرجى تحويلها الى القسم القانونى لعمل اللازم من رفع قضية فى المحاكم ضد الخصم

نحب نخدم
هههههههه

ملكة المنتدى كتب:: انتي ايه رايك يا جوهره و الله فضلته علي كل الناس وياما اتحديت بيه العالم حلفت اثبت لكل الناس اني هلاقي لو ضحيت وقولت ربي هيعوضني بيه وعدني ضحيت بعمري وثقت فيك كسرني وفضل حبه الاول عن حبي

فيه ايه ياجماعه مالكم
الزعل كتر ليه كده ما بينكم فالمنتدى الايام دى
ايه رايكم نقلب المنتدى ونسميه اسم تانى
ولا اقولكم وبتكلم بجد والله
ننشا قسم اخر فالمنتدى بعنوان التصالح والتراضى فى حب الله
وياريت اسمع رد من الادمن ؟؟؟؟؟؟؟؟؟؟؟؟؟؟؟؟

وعالعموم كلامك زعلنى كتير ياملكه ازاى يعنى يتخلى عنك على فكره ربنا ما بيسبش حق حد
ولو فعلا عملتى كل التضحيات علشانه ربنا هينصفك باذن الله
بس كله يكون فى .....................

رضا الله لكى يرضى عنكم
وبمشوره الاهل علشان تبنوا بيتكم باذن الله على دين الله ومحبه رسوله عليه السلام

وعايزه اقولك بل متاكده ان والله اللى بتحبيه
بيحبك حب فوووووووووووووووق الوصف
ويتمنى يرضيكى باى طريقه
اسئلينى انا
ولا يمكن تتخيلى اد ايه طيبته وحنيته وحبه ايضا للاخرين
والله بجد عرفتى تختارى

يارب يارب يرزقكم كل الخير والزواج العاجل غير الاجل باذن الله
وما تخافيش انا موجوده لو بعد الرساله دى ما اتعدلشى قوليلى وهامنع عنه المصرووف
ربنا يدومها عليكوا سعاده باذن الله

بس مره اخرى للتذكره ان اختلاطكم ده يكون فالنــــــــــــور وبرضا الله ثم فى حدود الشرع والدين
وربنا يوفقكم يارب ويبعد عنكم العين

لان فى اخ تحت بيقولوا عليه محامى منتظر اول قضيه تيجوا منكم هههههههههههههههههههه
ربنا يبارك فيك ياهلالى قايم بالواجب وزياده

وباذن الله يدوم المعروف والخير ما بينا باذن الله

ربنا يخليكي ليا يارب يا جوهرتي و ميحرمنيش منك ابدا
و يرزقك بالإنسان الصالح الفالح الناجح الي يستاهلك و يديكي على قدر نيتك الحسنه و يبارك فيكي و يفرج همك و ييسر أمرك و يشرح صدرك بالإيمان و يدوم عليكي الصحه و العافيه و يدخلك الجنه يارب

فعلا يا جوهره عندك حق انا محظوظه كتير و من المسعدين لأن ربنا عوض صبري خير و رزقني بإنسان حنين اوي و طيب أوي و هو يستاهل مني كل خير ربنا يقدرني و اقدر اسعده

أنا حبيته لإلتزامه , حبيته لإحترامه لذاته , حبيت فيه التواضع , و العزه الي في كلامه , ومبسوطه منه لأنه إسلامه كل همه

حد يفهمنى فى ايه ؟؟؟؟؟؟؟؟؟؟؟؟
أما موضوع القسم فا مفيش اعتراض عليه يا جوهره واكتبي المقترحات والاسم اللى تختاريه وسوف يتم العمل القسم إن شاء الله
وحد يقولى وصلتوا لأيه فى النهاية ؟؟؟؟؟؟؟؟؟؟!!!!!!!!!

ربنا يبارك فيك يارب
بس نفهمك ايه ووصلنا لايه فايه
زى ما انت شايف بنصالح اربعه متخاصمين
ما شاء الله
ههههههههههههههههههه
والعدد فى زياده

كان يهمنا رئيك برضو بتوجيهات نصح وارشاد للاخرين

كان اكيد هتفرق مشاركتك بالصلح اكتر بين المتخاصمين
وان ماكنتش كلها باعتبار يعنى انك الادمن

وعالعموم شكرا اوى لتلبيه طلبى
ونقدر نسمى القسم العام يعنى المسمى الرئيسى للفرع
الصـــــــــــلح خــــــــــــير
علشان اللى يحب يدخل الفرع ده يبقى عارف من بدايته انه للصلح اوك
ثانيا بقى لما تنشا القسم ده نبقى نختار فرعين جواه
فرع خاص المتخاصمين بين اعضاء المنتدى او حد زعل من التانى من الاعضاء
وفرع ايضا بداخل القسم لنوعيه الصلح القائم الان

وارجوا ان ارى ردك ومشورتك ايضا بالحديث والتشاور معى ؟؟؟؟؟؟؟؟
فالاختلاف فالراى لا يفسد للود قضيه

جوهرة المنتدى انتى إدارية بالمنتدى ورآيك دائما من اجل المنتدى فما حاجة رآيي أختى فى الله لست الا خادمكم هنا انتم من تأمروني لكى أنفذ فهدفنا واحد هو الرقى بالمنتدى وجمع اعضائة كاسرة واحدة نجتمع على الحب فى الله ونلتقى على هذا دوماً إن شاء الله وجارى انشاء القسم
مع تحياتي خادمكم فى الله

ربنا يبارك فيك يادمن وشكرا اوى لمجهودك العالى
وهذه من صفاتك التى تعودنا عليا والتى سوف تتقدم بها اكثر واكثر نحو الامام باذن الله

وكلنا فى خدمه المنتدى من اجل رفع شعار منتدى شباب مصر النهارده

واقصد بكلامى ايضا اننا نتشاور فالامر وفى اختيار الاسم المطلوب للقسم
ونختار منه الافضل ان شاء الله