يا شويه
انتا ليه حاقد عليا
انتا كاساتك(صفايح)
وانتا منبع للفضايح
وانتا ايه بالنسبه ليا
ديمه داقس
اذكر ايام (الصفاقس)
جوا استادك تكابس
فيكا قون والشمسي حيه
نفطي نفطي وتانا تانا
ملصه ملصه وبي رزانا
ومره من(كعب) الازانا
ومن ملوص انا ووب عليا
يا وصيف لو كنتا واعي
كنتا طرتا ومافي داعي
للثلاثي وللرباعي
وكنتا صحيت (السباعي)
وكنتا خففتا الاسيه
انتصاراتك جبانا
فيها رائحة الخيانه
وفيها حكام بتسوانا
وليه ظلمتا السمسميه
عافي منك يا صفاقس
وانتا كامل وانتا ناقص
وانتا لي ابيضنا لابس
وليكا مليونين تحيه
و
الاطفال يا سيدا بغنو
المريخ لا بد يترصع
السبعاب يا هيثم جنو
واحد حنا وواحد برطع
انتا هلال فولاذي حديدي
وانتا بعيد عن التمهيدي
وانتا بعيد عن لعب(الشفع)
و
كرهتونا
يا مريخاب جننتونا
كاس مانديلا كاس مانديلا
طول اليوم حايم في الحله
في الدكان وجوه الطاحونه
ومره يخش في علب التونا
ومره لبان شكلت (وماربيلا)
اسأل مره المريخابي
عن المبدع حسن الدابي
وثورة احمد بن عرابي
حا يجيك جاري
وفي مرات قايم سداري
ويجيب ليك سيرة الكرتيلا
كأنو الكاس في الكون الاول
وفي كل عام ليكم يتأول
عن دولابكم ما بتحول
وكاس العالم منو اقلا
بندل بندل وقع اتتندل
كأنو حداشر هيثم طمبل
ليه اتخيب وليه اتجندل
وليه يا نيلسون يا مانديلا
و
شوفو نجمتنا العجيبه
والعجايب قالو سبعه
يوم تلاته من الشبيبه
ويوم تشيلا تقيلا سبعه
كورة الوحدات عجيبه
ابتدت في الساعه سبعه
الحصيله عدد لعيبه
وللزعيم الشامي سبعه
عنتره وعبله الحبيبه
كان معلقه ضمني سبعه
قوس قزح لوحات عجيبه
طيف جميل الوانو سبعه
وهطلت الدمعات عصيبه
كالبحور وبحورنا سبعه
البحور في الدنيا سيبا
دي البحور في الشعري سبعه
كل يوم تظهر مصيبه
ويا حليل الفين وسبعه
ويا حليل 2007
الأربعاء 22 يونيو 2011, 12:27 pm
